Стабільна лідзіруючую пазіцыю ў раёне сярод аператаў на дарошчванні буйной рагатай жывёлы займаюць прадстаўнікі ААТ “Кіраўскае райаграпрамтэхзабеспячэнне” — працаўнікі жывёлагадоўчай фермы “П.Слабада” Наталля Дрозд і Святлана Русіновіч. З пачатку года сярэднясутачныя прывагі іх гадаванцаў ва ўзросце да 6 месяцаў склалі 798 грамаў.
Увогуле, працаўнікі жывёлагадоўчага комплексу “П.Слабада” уносяць вялікі ўклад у агульны дабрабыт сельгаставарыства. Калектыў ўзначальвае загадчыца Святлана Карпава. За гады сваёй работы жанчына здолела згуртаваць вакол сябе калектыў працаўнікоў, які нацэлены на дасягненне значных вынікаў і добрых вытворчых паказчыкаў.
Па словах Святланы Карпавай, немалаважнай складаючай паспяховай дзейнасці жывёлагадоўчай галіны з’яўляецца дастатковая колькасць якасных і збалансаваных кармоў. У гэтым сэнсе РАПТЗ заўсёды на вышыні: кармы нарыхтоўваюцца і захоўваюцца ў адпаведнасці з тэхналогіямі. Рацыён жывёлы збалансаваны, усе разлікі робяцца з дапамогай камп’ютарнай праграмы, што дазваляе з максімальнай аддачай выкарыстоўваць кожны кілаграм кармоў.
Асаблівая ўвага надаецца дарошчванню цялят: малыя забяспечваюцца спецыяльным камбікормам з усімі неабходнымі мікра дабаўкамі неабходнымі для росту і правільнага фарміравання будучай дарослай жывёлы.
Немалаважныя аспект — належны догляд жывёлы, строгі ветэрынарны догляд, своечасовая вакцынацыя і лячэнне цялят.
І ўсё ж, упэўнена загадчыца МТК, поспех залежыць перш за ўсё ад людзей, ад іх умення, прафесіяналізму і добрасумленнасці, чуласці і ўважлівасці. Усімі гэтымі якасцямі валодаюць Наталля Дрозд і Святлана Русіновіч, адсюль і адпаведны вынік.
Жывёлаводы перакананы: цяляты адчуваюць і любяць ласку, на добры догляд заўсёды адказваюць належнымі прывагамі. Па словах жанчын, маленькія цяляты мала чым адрозніваюцца ад дзяцей, таксама патрабуюць пастаяннага клопату і ўвагі. І каб выхадзіць іх, трэба нямала прыкласці сіл. Аднак, калі любіш справу якой займаешся, калі адчуваеш уласную адказнасць за даручаны ўчастак работы, ніякія складанасці не палохаюць. Па-іншаму на ферме, асабліва на іх участку, працаваць і немагчыма.