Слова «бібліятэка» паходзіць з грэчаскай мовы і азначае кнігасховішча. Каштоўнасць бібліятэк нельга вызначыць ні ў якіх грашовых адзінках, ні ў унцыях, ні ў каратах. У гэтых установах скарбы не схаваны ад людскіх вачэй і рук. Ідзі, выбірай і карыстайся. У разумных кнігах ёсць адказы на ўсе хвалюючыя пытанні.

У аграгарадку Жылічы бібліятэка знаходзіцца ў гістарычным комплексе-музеі, былым уладанні пана Булгака. На яе паліцах стаяць больш за 20 тысяч кніг. Сюды прыходзяць 550 чытачоў рознага ўзросту. У кніжным царстве гаспадараць дзве цудоўныя супрацоўніцы: загадчыца Таццяна Мікалаеўна Васількова і бібліятэкар Святлана Іванаўна Амельчанка. Пастаяннымі партнёрамі і памочнікамі ў рабоце бібліятэкі з’яўляюцца мясцовыя гістарычны комплекс-музей, дзіцячая школа мастацтваў, НПК «Дзіцячны садок-сярэдняя школа».
Работа з чытачамі – вельмі карпатлівая і аб’ёмная, яна патрабуе любові, увагі, прафесіяналізму, цярплівасці і ўліваецца бясцэнным укладам у агульнанацыянальную справу захавання праўдзівай гістарычнай памяці, выхавання пачуццяў любові, годнасці, гонару і павагі да культуры, традыцый продкаў, захавання і ўзбагачэння культурнай, гістарычнай і літаратурнай спадчыны нашага народа, фарміраванне культуры выбару. Бібліятэка сябруе з Саюзам пісьменнікаў Беларусі. На паліцах стаяць кнігі-падарункі з аўтографамі М.Чаргінца, М.Пазнякова, У.Саламахі, Г.Чарказяна, Н.Касцючэнка, У.Гаўрыловіча, В.Паўлю­чэнка, У.Дарашэвіча, Я.Калашнікава, В.Астрэйкі, М.Кавалёва, Я.Аляк­сейчыка, В.Лоўгача. Ёсць зборнік вершаў Р.Айзен­­штата, члена Саюза пісьменнікаў Беларусі, жыхара Ізраіля. Яго кніга называецца «Возвращусь в Беларусь я стихами,» часткай гэтай кнігі з’яўляецца «Белорусская тетрадь» – ода беларускаму чалавеку, яго шчырасці, дабраце, зямлі, прыродзе.
Сувязь з Саюзам пісьменнікаў аформілася ў завочную літаратурную сустрэчу-аўтограф “Дала мне сілу і талент любоў да роднага краю”, і вусны часопіс “Я вечны парастак Радзімы”, была створана электронная прэзентацыя-падзяка “ Добрая справа ад добрага сэрца.”
У год гістарычнай памяці ў бібліятэцы арганізаваны кніжна-ілюстрацыйныя выставы: “Стварать будучае, памятаючы аб мінулым”, “Без тэрміну даўніны,” якая распавядае аб генацыдзе нашага народа ў гады вайны, “Любімы горад на Дняпры” – да 750-годдзя з дня заснавання горада Магілёва, “Алмаз ведаў” – да 100-годдзя Нацыянальнай бібліятэкі Беларусі, “Зорны свет песняроў” – да юбілею Янкі Купалы і Якуба Коласа, віртуальная выстава “Беларусь, Радзіма. Адзінства”.
Выхаванню патрыятызму і любові да роднага краю садзейнічаюць і масавыя мерапрымствы, якія праводзіць бібліятэка для мясцовых жыхароў. Дзень памяці ахвяр Халакосту стаў днём провядзення мітынгу-рэквіему каля мемарыяльнага камня загінуўшым яўрэям, зацікавіў чытачоў і рэтрапогляд “Палац Булгака ў малюнках напалеона Орды”, у рамках дня роднай мовы праведзены акцыі “Слова жывое, роднае, гаваркое”, “Чытаем па-беларуску,” “Час размаўляць на роднай мове”.
Вялікая работа вядзецца ў сацыяльных сетках “Одноклассники” і “ВКонтакте”. Бібліятэка прыняла
ўдзел у міжнародных онлайн-акцыях: “Улюбёныя ў бібліятэку”,“Майстра гарадскога раману” да юбілею Чарльза Дзікенса, “Чудеса бывают”,”Волшебный мир Шарля Перро”. Вучаніцы пачатковых класаў Эліна Сіліна і Яўгенія Голубева з захапленнем чыталі вершы М. Пазнякова ў рамках акцыі “Читаем вместе, читаем вслух”.
Руплівая і плённая праца Таццяны Васільковай і Святланы Амельчанка заслугоўвае глыбокай ўвагі і шчырай падзякі і дае свой вынік. Чытачы рознага ўзросту ўдзельнічаюць ў марафонах, флэш-мобах, прысвечаных Дню вызвалення Беларусі ад нямецка-фашысцкіх захопнікаў, Дню Перамогі.
Які план у бібліятэкі на бліжэйшы час? Задумана дыялогавая пляцоўка “Мы адзіныя, мы моцныя,” актуальны дыялог “Зямля без вайны”, запланавана фота-акцыя “Я жыву на вуліцы Аляксандра Ядлоўскага” (загінуў у Афганістане).
Вельмі важны сэнс бібліятэкары лічаць у тым, каб сабраны матэрыял у інфармацыйных папках “Нашы землякі – удзельнікі вайны,” “Знакамітыя землякі”,”Летапіс вёскі Жылічы” прыносіў свой пэўны вынік для патрыятычнага выхавання подрастаючага пакалення.
Застаецца пажадаць Жыліцкай сельскай бібліятэцы-філіялу здзейніць усё задуманнае, а яе супрацоўніцам – поспехаў у працы, выдатнага здароўя і светлых надзей.
Валянціна ГЕРАСІМАВА, жыхарка аг.Жылічы.