Вясна – пара абуджэння прыроды, калі расліны пачынаюць актыўна расці і развівацца. У гэты перыяд асабліва важна надаць увагу зялёным насаджэнням, якія знаходзяцца ў гарадскім асяроддзі. Адным з ключавых мерапрыемстваў па доглядзе за дрэвамі з’яўляецца іх кранацыя – працэс абрэзкі галін, які дапамагае падтрымліваць здароўе і эстэтычны від раслін.

У гэтыя дні ў Кіраўску актыўна вядзецца краніраванне дрэў на вуліцы Кірава. Пра карысць краніравання дрэў расказала галоўны спецыяліст раённай інспекцыі прыродных рэсурсаў і аховы навакольнага асяроддзя Марына Лукашова: «Краніраванне дрэў мае некалькі важных функцый. Па-першае, гэта робіцца для гарантавання бяспекі. Своечасовае абразанне прадухіляе падзенне галінак і магчымыя пашкоджанні маёмасці або траўміраванне людзей. Дзякуючы краніраванню адбываецца стымуляцыя росту: выдаленне старых ці хворых галін спрыяе актыўнаму росту новых парасткаў, што паляпшае агульны стан дрэва і яго здольнасць да фотасінтэзу. Правільна сфарміраваная крона робіць дрэва больш прывабным візуальна, паляпшае яго знешні выгляд і гармонію з навакольным асяроддзем.
Абразанне дапамагае прадухіліць распаўсюджванне хвароб і шкоднікаў, бо выдаляюцца хворыя ўчасткі, а таксама паляпшаецца цыркуляцыя паветра ўсярэдзіне кроны, што змяншае рызыку развіцця грыбковых інфекцый».
Аптымальны час для правядзення краніравання – ранняя вясна, да пачатку актыўнага руху соку. Гэта дазваляе мінімізаваць стрэс для дрэва і паскорыць гаенне ран.
Краніраванне дрэў вясной дапамагае захаваць зялёныя куткі нашага горада здаровымі і прывабнымі на доўгія гады.

Яўгенія БЯЛЬКО.
Фота аўтара.