Так называецца кніга, прысвечаная 70-годдзю вызвалення Беларусі ад нямецка-фашысцкіх захопнікаў і Перамогі савецкага народа ў Вялікай Айчыннай вайне. Яе стваральнікамі з’яўляюцца раённая арганізацыя Беларускага прафсаюза работнікаў адукацыі і навукі, раённы савет ветэранаў працы галіны.
Кніга прысвечана настаўнікам — удзельнікам Вялікай Айчыннай вайны, якія ў пэўныя перыяды часу працавалі ў школах Кіраўшчыны.

У Мышкавіцкай СШ цікава прайшло мерапрыемства з нагоды прэзентацыі кнігі “Настаўнік-франтавік, партызан, вызваліцель”. У яе ўвайшлі і матэрыялы аб 12 педагогах — удзельніках Вялікай Айчыннай вайны, якія выкладалі ў мясцовай школе, і чатырох яе выпускніках, працаваўшых настаўнікамі ў іншых установах адукацыі раёна.
Да настаўнікаў, ветэранаў педагагічнай працы, школьнікаў завіталі старшыня раённай прафсаюзнай арганізацыі работнікаў адукацыі і навукі Ніна Якімчанка, старшыня раённага савета ветэранаў педагагічнай працы Любоў Лазаковіч, ветэран педагагічнай працы Валянціна Сцяпанчанка, намеснік начальніка аддзела адукацыі, спорту і турызму райвыканкама Наталля Траццякова.
Да прысутных звярнулася дырэктар школы Святлана Шчэрбіч, якая падкрэсліла, што іх педагогамі і вучнямі была праведзена значная работа па збору матэрыялу, уваўшоўшага ў кнігу. У ёй расказваецца аб людзях, якія падарылі наступным пакаленням магчымасць жыць пад мірным небам. Іх подзвіг служыць яскравым прыкладам для выхавання моладзі.
Ветэраны педагагічнай працы дзяліліся ўспамінамі аб сваіх калегах-франтавіках, расказвалі аб тым, якімі яны былі ў жыцці і на рабоце.
Ірына БАБІЧ.