Да выбараў Прэзідэнта Рэспублікі Беларусь засталося менш трох тыдняў. Мы пацікавіліся
ў кіраўчан, як яны ставяцца да прадстаячай важнай палітычнай падзеі.

Любоў Аўсянік, намеснік начальніка аддзела працы, заработнай платы і занятасці насельніцтва ўпраўлення пра працы, занятасці і сацыяльнай абароне райвыканкама:
– У нашай Беларусі жыць спакойна і камфортна. Дзяржава прадаставіла мне магчымасць вучыцца, атрымаць вышэйшую адукацыю, дастойную работу, як маладая сям’я, мы пабудавалі жыллё з дзяржаўнай падтрымкай.
У нашай сям’і двое дзяцей – хлопчык і дзяўчынка, яны вучацца ў СШ №2 імя К.П.Арлоўскага, дзе створаны ўсе неабходныя ўмовы для выхавання і развіцця. Усё гэта дзякуючы таму, што падтрымка дзяцінства і мацярынства – адна з прыярытэтных дзяржаўных задач.
Я ўключана ў рэзерв кіруючых кадраў райвыканкама, прымаю ўдзел у пасяджэннях раённага выканаўчага камітэта, у тым ліку, дзе падводзяцца вынікі работы галін народнагаспадарчага комплексу. І радуе, што наш раён развіваецца стабільна, прадпрымаюцца меры па выпраўленні недахопаў у рабоце, павышаюцца даходы насельніцтва і гэта вельмі важна.
Я – ураджэнка Кіраўска, пасля вучобы ў ВНУ хацела вярнуцца толькі сюды, у наш утульны і прыгожы гарадок, і ўносіць свой уклад у яго развіццё.
Хачу адзначыць, што мяне шакіравалі падзеі, парушаючыя грамадскі парадак, якія адбываліся ў Мінску і некаторых гарадах. Вопыт пэўных краін-суседак паказаў, што такія дзеянні прыво­дзяць да разбурэння, зрыву работы эканомікі, зніжэння ўзроўню жыцця. Я – за прадаўжэнне міралюбівай палітыкі кіраўніцтва нашай дзяржавы і буду галасаваць за спакойную, светлую будучыню!

Наталля Валынцава, галоўны бухгалтар цэнтральнай раённай бальніцы:
– Я люблю нашу Беларусь, радуюць мірнае неба над галавой, стабіль­насць, магчымасць рэалізаваць свае планы, надзеі.
Я закончыла Беларускую дзяржаўную сельгасакадэмію, потым вырашыла далей павышаць кваліфікацыю, балазе, у нас створаны для гэтага ўсе ўмовы. Зараз атрымліваю другую вышэйшую адукацыю па спецыяльнасці бухгалтар-эканаміст. Уваходжу ў рэзерв кіруючых кадраў райвыканкама і адчуваю адказнасць за гэта.
Мы з мужам прыехалі працаваць у Кіраўскі раён, тут нам падабаецца: у калектывах прынялі добразычліва.
Падчас выбарчай кампаніі раённая арганізацыя ГА “БРСМ” вылучыла мяне назіральнікам на Кіраўскім участку для галасавання №3, гэта важная падзея ў маім жыцці, пастараюся апраўдаць давер.
9 жніўня абавязкова выканаю свой грамадзянскі абавязак і прагаласую за мір і ўпэўненасць у заўтрашнім дні.