Хутчэй, вышэй, мацней
У мінулую суботу прайшлі раённыя спаборніцтвы па турыстычнай паласе перашкод, арганізаваныя Цэнтрам дадатковай адукацыі дзяцей і моладзі і фізкультурна-спартыўным клубам раёна.
Удзел у спаборніцтвах прынялі каманды вучняў устаноў адукацыі раёна. Збор юных турыстаў адбыўся на турыстычнай базе ў Барсуках і быў прысвечаны 80-годдзю з дня вызвалення Рэспублікі Беларусь ад нямецка-фашысцкіх захопнікаў і Перамозе савецкага народа ў Вялікай Айчыннай вайне.
Рабятам было прапанавана прайсці шэраг разнастайных этапаў: вузлы, уздым, траверс, спуск, маятнік, перанос пацярпелага, тапаграфічныя знакі, развядзенне вогнішча, міжнародная кодавая сістэма, бервяно з парэнчамі, купіны, грэбля, творчы конкурс “Памяць пакаленняў”.
Спаборніцтвы атрымаліся насычанымі на эмоцыі і гарачыя баталіі. У выніку перамогу святкавала каманда юных турыстаў з Паўлавіцкай СШ імя Р.А.Худалеева. Другое месца занялі рабяты з СШ №2 імя К.П.Арлоўскага, трэцяе – каманда юных турыстаў з СШ №1.