З мэтай стымуляцыі плённай працы работнікаў жывёлагадоўлі ў ААТ “Рассвет імя К.П.Арлоўскага” асобным рашэннем дырэкцыі зацверджана дадатковае матэрыяльнае заахвочванне. Вынікі работы ў галіне падводзяцца штомесяц. Калі на жывёлагадоўчым аб’екце забяспечваецца рост аб’ёмаў рэалізацыі малака ў параўнанні з адпаведным месяцам мінулага года, усе члены калектыву атрымліваюць ў дадатак да заробка яшчэ і прэмію.
Па выніках работы за верасень з “плюсам” спрацавалі калектывы МТК “Кірава” і МТФ “Стаўпішчы”. Днямі калектывы аб’ектаў наведалі з прыемнай місіяй намеснік дырэктара па жывёлагадоўлі Аляксандр Сухадольскі, намеснік дырэктара па ідэалогіі, старшыня прафкама Наталля Шапавалава, галоўны эканаміст Ірына Бяляўская, якія ўручылі работнікам грашовыя прэміі.